AFACERSE Á AUSENCIA: ANXO PINTOS LAMOSO
Hoxe é un día triste no noso instituto. Comenzar o día coa noticia da túa marcha non é doado. Sabemos que non che gustaban nada as fotos; pero permítenos que, diante desta imaxe túa, todos os que te queríamos poidamos despedirnos de ti. ¡Botarémoste de menos, compañeiro, amigo, profe...! Non será doado afacerse á túa ausencia . Se cando a morte pálida me apañe deixo no mundo un pouco de memoria, eu quero que o teu nome me acompañe, se che pode servir dalgunha gloria; e se labro estos versos co teu lembro contra da cinza, a corrupción e o lodo, é que eu non quero crer que aquel setembro acabase pra sempre xa con todo. Darío Xohán Cabana (1994)
